منتدى الأمل
حللت أهلاً .. ووطئت سهلاً ..
ياهلا بك في منتدانا ..
ان شاء الله تسمتع معانا ..
وتفيد وتستفيد ..
وبانتظار تسجيلك و مشاركاتك وابداعاتك ..


 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول

شاطر | 
 

 قصـــــــيدة حب

اذهب الى الأسفل 
كاتب الموضوعرسالة
أميرة المنتدى
المديرة العامة
المديرة العامة
avatar

الجنس : انثى
مشاركاتيے : 451
الاوسمة :
تاريخ انظمامي للأمل : 01/03/2012

مُساهمةموضوع: قصـــــــيدة حب   الخميس يونيو 28, 2012 11:32 am

قصيدة الحب




يا لي سالتني عن الحب.........وقلتلي بالله خويا وعلاه

وقبل ما تحب لازم تحسب ..........باش كي تمدو تمدو لمولاه

هيا نبداو من أول حب ..........أولى حب لله

إلي عطاك هذاك القلب ..........إلي راك تحوس باش تملاه

ولوكان برك ليه تقرب ..........أقرب منك رايح تلقاه

كلما تحصل قولو يارب ..........وهو يقولك راني الاه



وبعدو يجي ثاني حب ..........هو حبيبنا وحبيب الله

عليه الصلاة والسلام تعب ........باش صفى قلبك او نقاه

حبو علي وعليك واجب ........سعدو الواحد للي بغاه

يحشر المرء مع من احب ........تخيل روحك قاعد معاه



ومن بعدو يجي ثالث حب ........انه الواحد يحب يماه

تسع شهور وهو يتقلب .........وهي مسكينة تتقلب معاه

سنين وسنين وهي تتعذب .........وين يطيح يلقاها احداه

حتى نهار يولي شايب ........يبقى طفل في عيون يماه



ومن بعدها يجي رابع حب .......انو الواحد يحب باباه

لانه اخرج من بين الصلب ........والترائب الي جواه

شحال شقى وشحال تعب ........باش كبر وباش رباه

ابن آدم وكل ما كسب........هو ومالو ملك لباباه



ومن بعد خامس حب ........هو الشريك لي تعيش معاه

دير في بالك نهار تتحاسب ........نصف الدين هو تلقاه

تعيش معاه بلي كتب ........وتتقاسمو كل شيء انت وياه

وتتعاشرو ومعاه تنجب ........طفل صغير لعقايب تلقاه



وهذاك الطفل سادس حب ........ما تحبش ولد دون سواه

سبعة داعب وسبعة اتعب ........وسبعة صاحب دور معاه



ومن بعد يجي سابع حب ........من رحم واحد انت وياه

خوك خوك لا يغرك صاحب ........حتى الصاحب في الشدة تلقاه



وهذاك الصاحب ثامن حب .......تتقاسمو كل شيء انت وياه

تتعاشرو فالخير والواجب ........يظللكم ربي انت وياه



وتاسع حب هو ما الاقارب ........الرحم ديالك ما تنساه



ومن بعد يجي عاشر حب ........جارك الي تسكن حداه

والمريض لي راه يتعذب........دقيقة وحدة اقسمها معاه

طل عليه اذا كان تحب .........ربي سبحانه ثم تلقاه

او اليتيم الي فقد الاب ........ولا حتى الي فقد يماه

امسحلو راسووابدا تحسب .........في كل شعرة اجر تلقاه

والفقير الي ما كسب ........والي ما لحقش قوت عشاه

واش راك تاكل وتشرب ........يا لو كان خبزة اقسمهامعاه



ومن بعدهم تقدر تحب ........كل مومن في طريقك تلقاه

لانو ربي سبحانه اكتب ..........المومنين خاوة في الله



يالي سألتني عن الحب .........بالنسبة لي هذا معناه

ايلا ما عجبكش الله غالب .........روح تحوس وين تلقاه



_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amel.ahlamoontada.net
 
قصـــــــيدة حب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الأمل  :: فئة الترفيه و التسلية :: الأدب و الشعر-
انتقل الى: